Campaña “A beleza das letras”

beleza-das-letras

 

“A beleza das letras”, así se chama a nova campaña de lectura promovida polo Servizo de Normalización Lingüística, en colaboración coa Asociación de Empresarios/as de Redondela. De novo, os libros dedicados ás parroquias de Redondela estarán presentes nos centros de beleza e estética da vila.
Durante a presentación, realizada no establecemento de Nati López, explicaron que os obxectivos son a promoción da lectura en lingua galega, a posta en valor do patrimonio cultural das parroquias e a concienciación da veciñanza no coidado e legado destes bens.
A concelleira Ángela Antón e o presidente da asociación de empresarios, Enrique Lago, comentaron que os centros de estética son un lugar idóneo para a lectura polo tempo que o cliente pasa alí.
Esta campaña é continuidade da realizada nas cafeterías, baixo o nome “Café con Letras” que tivo unha boa acollida entre locais e consumidores. De feito, conforme indican dende o SNL, a primeira edición de 1500 exemplares esgotouse e xa se fixo unha nova reimpresión.
Finalmente, Ángela Antón e Enrique Lago agradeceron a colaboración das autoras dos libros e dos responsables dos centros de beleza pola súa implicación. Xa son oito os establecementos adheridos á campaña: Nati López, Arima, Begoña Villaverde, Arlei, CBC, La Pelu de Isa, Diana Durán e Verónica Ballesteros.

Deixar unha resposta

introduce os teu datos ou preme nunha das iconas:

Logotipo de WordPress.com

Estás a comentar desde a túa conta de WordPress.com. Sair /  Cambiar )

Google photo

Estás a comentar desde a túa conta de Google. Sair /  Cambiar )

Twitter picture

Estás a comentar desde a túa conta de Twitter. Sair /  Cambiar )

Facebook photo

Estás a comentar desde a túa conta de Facebook. Sair /  Cambiar )

Conectando a %s