Eu conto, ti contas… elas contan!

Un novo acto dos Venres Cativos, o programa incluído no proxecto Apego que ofrece actividades de promoción da lingua galega dirixido ás crianzas.

Desta volta faremos un contacontos arredor da historia e a transcendencia das mulleres. A través dos relatos guiados por Cris Vázquez descubriremos referencias e modelos femininos tan importantes para educar en valores, igualdade e respecto. Relatos narrados para as idades temperás pero con contidos moi útiles para as persoas adultas.

O acto será no Centro Chan das Pipas de Saxamonde (Redondela) porque cómpre dinamizar a cultura tamén nas parroquias por medio de actividades coma esta.

A entrada é de balde.

Anotade: venres 29 de marzo ás 18h!

Encontro con Manuel Rivas

Encontro co sector da hospedaxe. Lingua e cultura camiño do Xacobeo 21

O 21 de febreiro celebrouse na Casona da Torre un encontro entre o sector da hospedaxe de Redondela e concellos limítrfofes para presentar distintas liñas de traballo de cara ao Xacobeo 21.

O acto contou coa participación do secretario xeral de Política Lingüística da Xunta de Galicia, do vicepresidente da Asociación de Empresarios/as de Redondela e do Alcalde do Concello de Redondela.

Rosalía nas escolas

Nas dúas últimas semanas de febreiro Polo Correo do Vento levou, mediante o conto e o debuxo, a figura de Rosalía de Castro ás aulas de Redondela. Unha actividade incluída no programa de homenaxe á gran muller galega.

Aquí quédanvos unhas imaxes dos debuxos feitos polo alumnado de Infantil e primeiro ciclo de Primaria.

Volven os Venres Cativos de Apego!

 

 

Obradoiros sobre Rosalía de Castro

Comezamos coas actividades dedicadas a Rosalía de Castro neste mes en que celebramos o seu natalicio no 24 de febreiro.

As primeiras son uns contacontos ilustrados, a cargo de Polo Correo do Vento, que irán por nove escolas de Redondela e dirixido aos primeiros niveis educativos (Infantil e Primaria).

Unha forma pedagóxica, atractiva e dinámica de achegarse á figura e á obra de Rosalía de Castro.

Poesía galega polo 14F

O Servizo de Normalización Lingüística e a Asociación de Empresarios/as de Redondela coordinan unha campaña para levar a poesía galega aos establecementos.

Dentro da campaña polo Día dos Namorados, a cartelaría levará impresa versos de poetas galegos que teñan como temática central o amor nas súas distintas manifestacións.

As colaboracións son na súa maioría de escritores vivos, algúns novos e outros xa consagrados (Gonzalo Hermo, María do Cebreiro, Silvia Penas…), que se combinan con outros autores clásicos da literatura galega (Cunqueiro, Pimentel, Celso Emilio Ferreiro…).

Ademais farase unha campaña nas redes que contará coa participación directa dalgúns dos autores.